काठमाडौँ । सरकारले राष्ट्रिय योजना आयोगमा ६ सदस्य नियुक्त गरेको छ । मंगलबार बसेको मन्त्रिपरिषद् बैठकले सदस्यहरू नियुक्त गर्ने निर्णय गरेको हो ।
जसमा पाल्पाका अर्जुन जङ्ग थापा, काठमाडौँका प्रा.डा. सञ्जय आचार्य, काठमाडौँका डा. देवेन्द्र गौचन, काठमाडौँकै रेशु अर्याल, काठमाडौँका प्रा.डा. सुदन झा तथा ललितपुरका डा. पुकार मल्ल रहेका छन् । उक्त जानकारी प्रशासन सिंहदरबार विशेष ब्यूरोलाई प्राप्त भएको छ ।
यसअघि उपाध्यक्ष डा. गुणाकर भट्टको नाम मात्रै सार्वजनिक गरिएको थियो । सरकारले विभिन्न क्षेत्रका विज्ञलाई समेट्दै आयोगमा सदस्य नियुक्त गरेको जनाएको छ ।
