सिर्यातल स्टेडियम, वासिङ्टन । सह-आयोजक संयुक्त राज्य अमेरिका (USA) को विश्वकप यात्रा बेल्जियमसँग ४-१ को भारी अन्तरले पराजित भएसँगै अन्तिम १६ मै टुङ्गिएको छ। घरेलु दर्शकको ठूलो समर्थनका बीच मैदान उत्रिएको अमेरिकी टोली बेल्जियमको घातक आक्रमण र उत्कृष्ट रणनीतिसामु निरीह सावित भयो।
बेल्जियमका लागि युवा स्ट्राइकर चार्ल्स डे केटेलेयरले खेलको ९औं मिनेटमै गोल गर्दै सुरुवाती अग्रता दिलाएका थिए। खेलको ३१औं मिनेटमा अमेरिकाका मलिक टिलम्यानले फ्रि-किकमार्फत उत्कृष्ट बराबरी गोल गर्दै खेलमा आशा जगाए पनि त्यो खुसी धेरै समय टिक्न सकेन। ठीक दुई मिनेटपछि, अर्थात् ३३औं मिनेटमा डे केटेलेयरले पुनः अर्को गोल थप्दै बेल्जियमलाई २-१ को अग्रता दिलाए।
दोस्रो हाफमा पनि बेल्जियमले आफ्नो दबाब कायम राख्यो। खेलको ५७औं मिनेटमा हान्स भानकेनले तेस्रो गोल गरे भने इन्जुरी समयको ९३औं मिनेटमा सब्सिच्युट खेलाडी रोमेलु लुकाकुले सानदार गोल गर्दै बेल्जियमको ४-१ को सानदार जित सुनिश्चित गरे। यस नतिजासँगै अमेरिका, क्यानडा र मेक्सिको गरी तीनै सह-आयोजक राष्ट्रहरू यसै चरणबाट बाहिरिएका छन् भने बेल्जियमले क्वार्टरफाइनलमा स्पेनसँगको भेट पक्का गरेको छ।
