काठमाडौँ । अमेरिकी सेनाको भनाइअनुसार, बिहीबार इजरायलले गरेको हवाई आक्रमणमा इरानको रिभोलुसनरी गार्ड्स (आइआरजिसी) को नौसेनाका एक कमान्डर मारिएका छन्।
अमेरिकी सेन्ट्रल कमान (सेन्टकम) का प्रमुख एडमिरल ब्राड कूपरले यसलाई खाडी र मध्यपूर्वको सुरक्षाका लागि महत्वपूर्ण घटनाको रूपमा चित्रण गरे। उनले आइआरजिसी नौसेनामा रहेका अन्य इरानी सदस्यहरूलाई समेत ‘अनावश्यक जोखिम नलिई पद छाडेर घर फर्किन’ आह्वान गरे।
यता अमेरिकी राष्ट्रपति डोनल्ड ट्रम्पले इरानविरुद्धको सैन्य अभियान निर्धारित समयभन्दा पहिले नै सफल भइरहेको जनाए। पहिलो क्याबिनेट बैठकमा उनले भने, “हामीले चारदेखि छ हप्ता लाग्ने अनुमान गरेका थियौँ, तर आक्रमण सुरु भएको २६ दिनमै हामी लक्ष्यभन्दा धेरै अगाडि पुगिसकेका छौँ।”
