काठमाडौँ । सरकारले इस्लाम धर्मावलम्बीहरूको पर्व बकर ईद (ईद-उल-अज्हा) का अवसरमा २०८३ साल जेठ १४ गते बिहीबार सार्वजनिक बिदा दिने निर्णय गरेको छ।
सरकारले आइतबार पनि सार्वजनिक विदा दिने घोषणा गरेको छ । आउँदो साता १० गते आइतबार परेको छ । १४ गते बिहीबार पर्छ भने शुक्रबार १५ गते गणतन्त्र दिवसको बिदा परेको छ । १६ गते शनिबार परेको छ । त्यसैले आउँदा साता १०, १४, १५ र १६ गते सार्वजनिक विदा हुनेछ ।
नेपाल सरकार गृह मन्त्रालयद्वारा जारी विज्ञप्ति अनुसार मिति २०८२ फागुन १८ गतेको नेपाल राजपत्रमा प्रकाशित सूचनाबमोजिम बकर ईदका दिन सार्वजनिक बिदा दिने व्यवस्था रहेको उल्लेख गरिएको छ।
मुस्लिम आयोगबाट प्राप्त जानकारीअनुसार यस वर्ष बकर ईद २०८३ साल जेठ १४ गते परेको ब्यहोरा प्राप्त भएपछि उक्त दिन सार्वजनिक बिदा कायम गरिएको मन्त्रालयले जनाएको छ।
गृह मन्त्रालयले पर्वको अवसरमा स्वदेश तथा विदेशमा रहेका इस्लाम धर्मावलम्बीहरूका साथै सम्पूर्ण नेपाली दिदीबहिनी तथा दाजुभाइहरूमा शुभकामना समेत व्यक्त गरेको छ।
