सर्लाही । आम जनता पार्टी (आजपा)का नेतृ एवं सर्लाही–४ की उम्मेदवार रिंकी कुमारी साहले चुनावी भेटघाट, छलफल एवं घरदैलो कार्यक्रमलाई तिब्रता दिएकी छन् ।
सर्लाहीको धनकौल, मैनाथपुर, मिर्जापुर, बहादुरपुर, हर्नाहा लगायताका गाउँघरमा आज घरदैलो गर्दै आम मतदातासंग यसपटक मोबाइल छापमा मतदान गर्न अपिल समेत गरेकी छन् ।
सर्लाही–४ बाटै नेपाली कांग्रेसका सभापति गगनकुमार थापा, रास्वपाबाट अमरेशकुमार सिंह लगायतका नेताहरु चुनावी मैदानमा छन् । सोही क्षेत्रमा आजपाकी उम्मेदवार साह पनि चुनावी प्रतिस्पर्धामा उत्रेकी छन् । बिहानदेखी रातीसम्म घरदैलो गर्दै आम मतदाताका घरमा पुग्ने र आफ्नो प्रतिबद्धतापत्र, पार्टीको घोषणापत्र बाँडदै मोबाइल छापमा मतदान गर्न उनले अपिल गरिरहेकी छन् ।
‘मिडिया र सामाजिक सञ्जालमा गगन र अमरेशजीकै जबरजस्ती चर्चा गरिएको छ । तर मैले घरदैलो गर्दै आम मतदाताको घरमा पुग्दा त्यहाँ मैले फरकपन पाए । आम मतदाताका बीचमा उहाँहरुलाई त्यति रुचाइएको छैन् । गाउँघर, मतदाताका बीचमा मेरो चर्चा छ । यसपटक मोबाइल छापमा मतदान गरेर रिंकी साहलाई बिजयी बनाउने आम मतदाताको परिवारीक निर्णय गरिसकेकोको मैलो पाएपछि खुशी छु । मिडिया, सामाजिक सञ्जाल, माथिमाथि जसको चर्चा गरेपनि गाउँघर, मतदाताका बीचमा मोबाइलको चर्चा छ, रिंकीको चर्चा छ । त्यसैले यसपटक मेरो बिजयी निश्चित छ,’ सर्लाही–४ आजपाका उम्मेदवार रिंकी साहले भनिन् ।
‘धर्म, संस्कृति र सम्पदाको संरक्षण तथा संवद्र्धन गर्दै गर्ने । कर प्रणालीमा सुधार गर्दै करको दर न्यूनीकरण, कर र घुसको अन्त्य गर्दै स्वदेशी उत्पादनमा विशेष जोड गर्ने । निशुल्क शिक्षा र स्वास्थय सुनिश्चित गर्नकै लागि मैले उम्मेदवारी दिएको हो,’ उनले बताइन् ।
पानी, बिजुली, शिक्षा र स्वास्थय निशुल्क गर्दै शुन्य कर तथा भ्रष्टाचार मुक्त नेपाल निर्माण गर्दै रौतहटको मौलापुरमा भएको विभिन्न सेवा सुविधाहरु सर्लाहीबासीलाई उपलब्ध गराउने उदेश्य आफ्नो रहेको उनले बताइन् । साथै, सर्लाहीको समग्र विकासका साथै धार्मिक, सांस्कृतिक, ऐतिहासिक, पर्यटकीय स्थलहरुको विकासका लागि काम गर्ने प्रतिबद्धता उनले व्यक्त गरेकी छन् ।
‘स्थिर, सुशासन र विकासका लागि अबकी बार आजपा सरकार । जनउतरदायी लोकतान्त्रिक अभ्यास र सिस्टम सुधार एवं सुशासनका आधार नै मोबाइल छाप हो । दलतन्त्र बिरुद्ध आम जनताको सरकार अहिलेको आवश्यक्ता हो,’ साहले भनिन् ।
जेनजी आन्दोलनका हत्यारा, भ्रष्टाचारी, लुटेरा तथा हाईज्याकरलाई पहिचान गरी जेनजीको माग सम्बोधन गर्नका लागि मोबाइल छापमा मतदान गर्न उनले अपिल गरेकी छन् । अहिलेको सिस्टममा सुधारका लागि आजपाका उम्मेदवारलाई बिजयी बनाउनका लागि प्रत्यक्ष र समानुपातिक दुबै तर्फको मतपत्रमा मोबाइलमा मतदान गर्न आम मतदातासंग उनले आग्रह गरेकी छन् ।
अहिलेको सिस्टम सुधार, भ्रष्टाचार, कुशासन, सरकारपिच्छेको मनोमानी कर आतंक, अनियमितताको अन्त्यका साथै गुणस्तरीय शिक्षा, स्वास्थ्य, यातायात, रोजगारी, खानेपानी लगायतको विकास एवं निशुल्क सेवा लागि सबै पार्टीमा भएका राम्रा मान्छेहरु एकजुट भएर मोबाइल छापमा मतदान गर्नुपर्ने साहले बताइन् ।
आजपाका उम्मेदवार बिजयी भए र पार्टीको सरकार बनेपछि शिक्षा, स्वास्थ्य, बिजुलीबती, खानेपानी लगायतका सम्पूर्ण सेवाहरु निशुल्क उपलब्ध गराउने प्रतिबद्धता आजपाले घोषणापत्रमा उल्लेख गरेको छ ।
