काठमाडौँ । नागरिक लगानी कोष र एक्सेल डेभलपमेन्ट बैंक लिमिटेडबीच उपदान तथा अवकाश कोषको व्यवस्था तथा सञ्चालनसम्बन्धी सम्झौतामा हस्ताक्षर भएको छ।
आइतबार सम्पन्न सम्झौतामा कोषका तर्फबाट कार्यकारी निर्देशक पर्वतकुमार कार्की तथा बैंकका तर्फबाट प्रमुख कार्यकारी अधिकृत डा. ईन्द्रकुमार कट्टेलले हस्ताक्षर गरेका हुन् ।
सम्झौतापछि बैंकमा कार्यरत कर्मचारीको अवकाशसम्बन्धी उपदान तथा अन्य देय रकमको व्यवस्थापन नागरिक लगानी कोषमार्फत हुने जनाइएको छ।
हाल बैंकमा करिब ३०० जना कर्मचारी कार्यरत रहेका छन्। बैंकले ८ जिल्लामा रहेका प्रदेशस्तरीय कार्यालयमार्फत सेवा प्रवाह गर्दै आएको छ।
सम्झौताले बैंकका कर्मचारीको अवकाशपछिको आर्थिक सुरक्षालाई संस्थागत ढंगले व्यवस्थापन गर्न सहयोग पुग्ने विश्वास गरिएको छ।
